Actividades: 2016

ACTIVIDADE BENÉFICO-SOCIAL

"Axudas e atención a maiores en risco de exclusión"

Programa destinado a posibilitar o acceso ás condicións mínimas para o mantemento dunha vida digna daquelas persoas maiores de sesenta anos, sen recursos ou perceptoras de pensións reducidas e con carencias de apoio nas súas redes sociofamiliares.

O obxectivo é mellorar a calidade de vida das persoas maiores con dificultades socioeconómicas, a través da intervención en dúas áreas:

- Dar cobertura a necesidades básicas de vivenda, alimentación e subministracións dos maiores de sesenta anos en situación de risco de exclusión social que, polo reducido dos seus ingresos, presentan serias dificultades para facer fronte aos gastos da vida diaria.

- Promocionar hábitos e condutas que melloren as súas condicións de vida, non só no ámbito socioeconómico, senón tamén no referente a hábitos de vida, a economía familiar e as relacións sociais.

O programa, cunha dotación económica de 10.000,00 euros durante o exercicio 2016, levou a cabo por medio de CÁRITAS DIOCESANA DE OURENSE, que a través dos seus servizos sociais, definiu aos beneficiarios e estableceu a intervención conforme ao seguinte protocolo: acollida - análise e deseño - intervención/desenvolvo - seguimento.

As persoas maiores con escasos recursos económicos e con carencias na área das redes sociofamiliares convertéronse na poboación obxectivo deste proxecto.

Conseguiuse paliar e previr situacións de desprotección así como situacións de privación material, en numerosas persoas maiores. Xeráronse, á súa vez, outras respostas de atención persoal, interese e seguimento, que non comportaron directamente percepción de axuda económica, pero si de benestar.

TALLERES DE ESTIMULACIÓN COGNITIVA

"Talleres de memoria"

o San Pedro de Moreiras (Toén) - de febreiro a decembro

o Toén (Toén) - de outubro a decembro

o Puga (Toén) - de outubro a decembro

o San Ciprián de Viñas - de febreiro a maio

o A Valenzá (Barbadás) - de febreiro a decembro

o Piñor (Barbadás) - de febreiro a decembro

o Finca Fierro (Barbadás)- de febreiro a decembro

o Loiro (Barbadás) - de febreiro a decembro

o Santa Cruz de Arrabaldo (Ourense) – de abril a maio

CURSO DE FORMACIÓN

"Intervención socioducativa con persoas afectadas de alzheimer"

Organizado en colaboración con:

- Universidade de Vigo - Vicerreitoría do Campus de Ourense

- Afaor (Asociación de familiares de enfermos de alzheimer de Ourense)

Declarado de "Interese Sanitario" pola Consellería de Sanidade

Destinatarios: Traballadores Sociais, Psicopedagogos, Psicólogos, Terapeutas ocupacionais.

Lugar: Clases teóricas: Facultade de Ciencias da Educación do Campus de Ourense

Clases prácticas: Instalacións de AFAOR

Datas de celebración: do 6 de Febreiro ao 22 Abril

Duración: 60 Horas

Nº de prazas: 20 prazas

Actos de presentación e de clausura

Celebrouse un acto de calusura na Facultade de Ciencias da Educación do Campus, que contou coa presenza de Mar García (Decana de Ciencias da Eduación), Juan Caludi Cid (Vicepresidente de Afaor) e Juan Ramón Álvarez Blanco (Presidente da Fundación Dorzán).