Dª Elena Mercedes Blanco Corral crea, en 2001, a Fundación Dorzán. Fiel ás últimas vontades do seu esposo, José Rodríguez "Dorzán", achega a dotación inicial e ademais doa terreos da súa propiedade situados en Piñor-Barbadás para que sobre os mesmos constrúase unha residencia asistencial para persoas maiores.
Entre as súas inquietudes persoais sempre estivo presente a de axudar aos máis necesitados e ao longo da súa vida colaborou en diversas obras benéficas, sociais e culturais.
O seu altruísmo e xenerosidade plásmanse nas palabras que pronunciou na inauguración da residencia: "...sen nada vin a este mundo e sen nada me penso ir".
Ao seu falecemento legou á Fundación todo o seu patrimonio nunha mostra máis da súa filantropía e do seu compromiso e apoio ao labor fundacional.
Empresario de recoñecido prestixio, foi Delegado de Loterías e Apostas do Estado en Ourense durante máis de corenta anos e creador de numerosas actividades profesionais en diversos sectores como a administración de loterías, publicidade, promoción inmobiliaria etc.
Foi ademais un pioneiro do xornalismo deportivo na provincia, tarefa que desempeñou durante unha longa traxectoria como informador desde varias corresponsalías como as de "O Correo Gallego" ou o diario "Marca". Os seus artigos xornalísticos asinábaos co pseudónimo "Dorzán" e con ese nome era coñecido pola maioría dos ourensáns.
Foi inspirador da creación da Fundación e co seu legado sentaron as bases para a súa constitución.
Colaborou desinteresadamente e en todo momento, nas actividades e proxectos promovidos polo Padroado, e a súa última vontade foi unha mostra máis de respaldo e renovación ao seu compromiso fundacional, declarando á Fundación como herdeira universal ao seu falecemento.
