Curso de formación (12ª edición)

Curso " Intervención socioeducativa en enfermos de alzhéimer"

Unha vintena de estudantes da Facultade de Ciencias da Educación e Traballo Social completaron a 12ª edición do Curso "Intervención socioeducativa con persoas afectadas de alzhéimer" impartido nos últimos tres meses no Campus de Ourense.

Esta iniciativa da Fundación Dorzán é unha aposta pola formación como medio para acadar o obxectivo de aplicar unha asistencia cualificada e prestacións de calidade ás persoas maiores dependentes.

Os coñecementos adquiridos polo alumnado sobre a enfermidade de Alzhéimer, os tratamentos farmacolóxicos, os recursos institucionais, o papel das familias nesta enfermidade, etc., contribuirán a unha mellor atención ás persoas afectadas por persoal cualificado e abrirá novas oportunidades laborais ao alumnado participante.

Na clausura desta edición participaron Xosé Manuel Cid, decano da Facultade de Educación e Traballo Social; Sara Ruiz, vicepresidenta de AFAOR e Secundino Vidal Rodríguez, vicepresidente da Fundación Dorzán.