"A incapacitación xudicial da persoas maiores" foi o tema tratado na conferencia organizada pola Fundación Dorzán na sede da Asociación de Mulleres Ruráis - Maravalla, en Celanova.
A conferencia foi impartida por D. Rubén García González, Director da FUNGA (Fundación pública galega para a tutela de persoas adultas).
Nun relatorio ameno e instrutivo analizou as peculiaridades da incapacitación e as consecuencias que xera nas persoas maiores con capacidade de obra modificada xudicialmente e a súa protección mediante as figuras xurídicas da tutela, curadoría, defensa xudicial ou administración de bens.
Finalizou expoñendo a finalidade e a función que desempeña na sociedade galega a FUNGA, e destacou o considerable aumento de persoas maiores incapacitadas xudicialmente que se produciu nos últimos anos.
Pechouse a conferencia con varias preguntas ao relator sobre cuestións prácticas da incapacitación e as consecuencias reais no día a día do incapacitado.
Compartir:
