"Acompaño-te"
A directora de Cáritas Diocesana de Ourense, María Tabarés e o presidente da Fundación Dorzán, Juan Ramón Álvarez Blanco, asinan un convenio para o desenvolvemento dun proxecto centrado especialmente na soidade non desexada das persoas maiores: “Acompaño-te”.
Cáritas será a encargada de poñer en marcha durante 2023 este proxecto, dirixido a mellorar a calidade de vida e manter a autonomía das persoas maiores para que, na medida do posible, sigan envellecendo no seu propio fogar.
A loita contra a crecente soidade non desexada das persoas maiores e a precariedade derivada da situación económica actual son o principal obxectivo do programa. Para iso prestarase atención telefónica e presencial, acompañamento en trámites ante a administración e organismos privados, tramitaranse axudas directas para complementar a cobertura básica de vivenda, alimentación, subministros e gastos farmacéuticos e sanitarios non cubertos pola Administración pública.
A dotación do proxecto financiado pola Fundación Dorzán ascende a 15.000 euros.
Colaboran
