A Fundación Dorzán e o Servizo Galego de Saúde, a través do Complexo Hospitalario Universitario de Ourense, asinaron un convenio para desenvolver un programa de atención a persoas maiores no seu domicilio, unha vez que reciben a alta hospitalaria.
Segundo indicou Juan Ramón Alvarez Blanco, Presidente da Fundación Dorzán, "este convenio é unha mostra do compromiso da Fundación Dorzán un colectivo vulnerable, un paso máis na axuda a aqueles que realmente o necesitan, coa particularidade especial, de que a axuda se realizará no propio domicilio do maior, o que garantirá unha continuidade no seu plan de coidados e un maior benestar dos beneficiarios,".
"Este convenio posiblitará a realización dunha educación sanitaria domiciliaria do paciente axeitada ao seu problema de saúde e garantirá tamén unha coordinación sociosaniaria que asegure unha atención integral e axustada a cada situación" indicou Eloína Núñez Masid, Xerente do Servizo de Xestión Integrada de Ourense, Verín e Barco de Valdeorras.
Compartir:
