Vinte alumnos da Universidade de Vigo finalizaron a sexta edición do Curso “Intervención socioeducativa con persoas afectadas de alzhéimer”, impartido durante o últimos tres meses na Facultade de Ciencias da Educación.
Esta iniciativa da Fundación Dorzán, apostando pola formación como medio para conseguir o obxectivo de aplicar unha asistencia cualificada e unha prestación de calidade aos maiores dependentes, contou coa colaboración da Vicerrectoría do campus de Ourense, a Facultade de Ciencias da Educación e a Asociación de enfermos de Alzhéimer de Ourense.
Os coñecementos adquiridos polos alumnos sobre a enfermidade de alzhéimer, tratamentos farmacolóxicos, recursos institucionais, o papel das familias nesta enfermidade…, contribuirán a unha mellor atención ás persoas afectadas por un persoal cualificado e abrirán novas oportunidades laborais ao alumnado que o realizou.
No acto de clausura e entrega de diplomas do curso participaron, Mar García, decana da Facultade de Ciencias da Educación, Mª Dolores Neira, presidenta de Afaor e Juan Ramón Álvarez Blanco, Presidente da Fundación Dorzán.
Compartir:
