O mércores 10 de Decembro tivo lugar a entrega de diplomas do curso "Atención especializada a persoas maiores dependentes", organizado e financiado na súa totalidade pola Fundación Dorzán.
O acto celebrado na Delegación Provincial da Consellería de Sanidade contou coa participación de D. Rogelio Martínez (Delegado Territorial da Xunta de Galicia en Ourense), Dª. Angeles Blanco (Presidenta de AFAOR), D. José Manuel Solla (Director de Geriatros Barbadás) e D. Secundino Vidal Rodríguez (Vicepresidente da Fundación Dorzán).
O curso celebrado durante os meses de novembro e decembro e que este ano alcanzou a súa cuarta edición, foi declarado de Interese Sanitario pola Consellería de Sanidade e un total de vinte alumnos recibiron un diploma acreditativo dos seus coñecementos especializados nesta materia e da súa capacitación para a atención especializada a persoas maiores dependentes.
Compartir:
