O martes 3 de Decembro tivo lugar a entrega de diplomas do curso "Atención especializada a persoas maiores dependentes", organizado e financiado na súa totalidade pola Fundación Dorzán.
O acto celebrado na Delegación Provincial da Consellería de Sanidade contou coa participación de D. Rogelio Martínez (Delegado Territorial da Xunta de Galicia en Ourense), Dª. Mª Carmen Pérez Prieto (Secretaria de AFAOR), D. José Manuel Solla (Director de Geriatros Barbadás) e D. Secundino Vidal Rodríguez (Vicepresidente da Fundación Dorzán).
O curso que foi declarado de Interese Sanitario pola Consellería de Sanidade, celebrouse durante o mes de novembro e un total de vinte alumnos recibiron con satisfacción un diploma acreditativo dos seus coñecementos especializados nesta materia e da súa capacitación para a atención especializada ás persoas maiores dependentes.
Compartir:
