O acto de clausura do curso "Atención especializada a enfermos de alzheimer", organizado pola Universidade de Vigo, Afaor e a Fundación Dorzán, que contou coa presenza de D. Alberto Vaquero (Director da área de Descentralización do Campus de Ourense), Dª. Ángeles Rodríguez (Vogal de Afaor) e D. Juan Ramón Álvarez Blanco (Presidente da Fundación Dorzán), os participantes recolleron con satisfacción os diplomas que acreditan os seus coñecementos especializados nesta materia e a súa capacitación para traballar con enfermos de alzheimer.
Durante o curso, celebrado nos meses de marzo, abril e maio, os alumnos adquiriron coñecementos xerais da enfermidade, coñeceron os diferentes tratamentos non farmacolóxicos que se poden desenvolver para estimular e coidar o paciente, achegáronse aos aspectos legais que afectan a esta doenza e viron como funcionan as asociacións que axudan a este colectivo.
Polo éxito de participación, a satisfacción dos asistentes e a demanda deste tipo de formación, os promotores da iniciativa esperan poder volver repetila no próximo curso académico no campus de Ourense.
Compartir:
